21. Tim o gün demişdi ki, hansısa başlığa yaza bilməyəcəyimiz entrini bura yazaq. Mən də postlarda gedən və bundan öncə də dəfələrlə getmiş və məncə, yenə də davam edəcək mövzuda fikrimi yazmaq istəyirəm. Qeyd edim ki, tərəflərdən heç birini tutmuram və birində az, birində çox olsa da, ikisində də yanlışlıqlar olduğunu düşünürəm.

Elə bu gün günorta hyper'lə görüşəndə bir quranlıq şey danışdıq, yenə də postlarda teması açılıb o mövzunun. Ona da deyirdim ki, "hər gələnə görə zibilə düşməyin adı yoxdu. it-qurda görə niyə daydayın kiməsə zəng edib buraxdırmalıdır. Ancaq həqiqətən də bəzən insanı özündən çıxarırlar".

o yandan da razılaşdıq ki, indiki nəslin 90%-i (bilirəm, bu sözdən çoxlarının acığı gəlir, ancaq həqiqətdir) monitor pələngidir. mən 2 il əvvəl də (bax: fuad rəsulzadə)

barədə entridə yazmışdım ki, insanı təhqir və şiddət təkcə söyüş və fiziki güc tətbiq etməklə olmur, yoldaşlar. birinə qarşı planlı şəkildə nəsə oyun qurmaq, ilişmək, söz atmaq, xor görmək, onun heysiyyətinə toxunmaq, hörmətsizlik kimi gördüyü şeyləri etmək və ya dəyərlərini alçaltmaq özü də qarşıdakı insanı incitmək, zədələmək mahiyyəti daşıyır. dolayısıyla, bir tərəf söyərək və ya güc tətbiq edərək bunu edirsə, digər tərəf bunu "qaqalıq" adlandırıb, öz fiziki gücsüzlüyü ilə bu davranışı yerinə yetirə bilmədiyi üçün yuxarıda saydığım və saymadığım digər yollara əl atıb qıcıq və o söyülən söyüşə səbəbiyyət formalaşdırır. lakin dediyim kimi, mahiyyət dəyişmir: qarşı tərəfdən üstünlük yaratmaq və onu əzməyə çalışmaq.

mən bunun saysız-hesabsız nümunəsini görmüşəm: bu gün şiddətə pis baxanların böyük əksəriyyəti fiziki zəif, həyatda sözünü deməyə qorxan insanlardır. hansılar ki, (bu sözümə başımla cavabdehəm) əlinə güc düşsə, özü də o içindəki "qarşı tərəfi incitmək, fiziki/psixoloji zədələmək" mahiyyətini gözünü qırpmadan həyata keçirər. Biz bunu cəmiyyətin bütün sferalarında görürük. Döyülərək böyüyən uşaq özündə güc tapan kimi başlayır başqalarını döyməyə; iş yerində hər sözü götürərək davam edən işçi "terfi" alanda özündən alt vəzifədəkilərə mobinq tətbir edir və s.

son olaraq jordan peterson'un bir sitatını deyib bitirim mövzunu:
"gücsüz və fiziki zəifsənsə, şiddətə qarşı olmağı ərdəm kimi görə və göstərə bilməzsən. çünki bu, qorxaqlığı ört-basdır etməkdir. şiddətə qarşı olmaq o zaman ərdəmdir ki, sən güclüsən və bu gücü tətbiq edib üstə çıxa biləcəyin halda buna qarşı çıxırsan və etmirsən".